Volver a pagar Meirás

Dicía don Antonio Machado "En España lo mejor es el pueblo. Siempre ha sido lo mismo. En los trances duros, los señoritos invocan la patria y la venden; el pueblo no la nombra siquiera, pero la compra con su sangre y la salva".

Estas verbas parecen unha especie de sentenza perenne que nos persegue ao longo da historia.

En certa medida as verbas do poeta fóronse camuflando entre os tempos reflectíndose en diversos feitos que as confirman alén das xeracións. Estou seguro de que don Antonio querería que a súa xente do século XXI non se vira no espello destas verbas pero, por desgraza, aquí estamos...

Agora toca volver a pagar Meirás coa mesma sangue que o mercou para agasallo seica por "subscrición popular". Neste tempo os Franco fixeron del un pandeiro.Nas súas estadías gozaron de todos os privilexios e nel agocharon outros espolios como as esculturas do Pórtico da Gloria.

A sentenza ten recurso e polo tanto ogallá xire cara a dignidade. Se non é así, se hai que pagar, paguemos mais que quede constancia para a historia, que ningún caciquiño se poida permitir o luxo de mercalo e que o seu interior conte a verdade; facéndoo accesible ao pobo que mercou co seu sangue.