Opinión en Galicia

Buscador


autor opinión

Editorial

Ver todos los editoriales »

Archivo

A alongada sombra da Transición

miércoles, 10 de febrero de 2021
Ninguén pon en dúbida que somos consecuencia do noso pasado e xa que logo a historia ten moito que ver co sucedido arestora. Para algúns é unha perda de tempo mirar polo retrovisor sen importarlles o camiño percorrido nin quen ven aproximándose por detrás. "O pasado xa é historia" din os que non lles interesa repasar a historia.

Pasamos dunha ditadura a unha democracia e iso ten o seu proceso, un procedemento no que tivo moito que ver a "sacrosanta" Transición, e cualifícoa así porque parece feita por santos impolutos que imbuídos desa santidade deciden todos xuntos facer borrón e conta nova cun efecto de punto e final unha vez morto o ditador, quen deixa atado e ben atado ao seu sucesor: o rei. No seu acto de toma de posesión "xura fidelidade aos principios do Movemento Nacional" o mesmo que fai agora un ministro ou presidente cando accede ao seu cargo e xura ou promete "fidelidade ao rei". Entón apliquemos a sinxela fórmula que nos ensinaron en filosofía no bacharelato: "se un rei xura fidelidade aos principios do Movemento Nacional e un ministro xura o promete fidelidade ao rei, entón o razoamento conclúe que o ministro está xurando ou prometendo fidelidade ao compromiso do rei". E nesas estamos.

Un pode entender que no esmorecer dos '70 non se podía facer outra cousa, pero pasado un tempo, máis de 40 anos si. Poderíase por exemplo non aplicar a amnistía a torturadores e asasinos que aínda andaban soltos polo chan patrio sen ser xulgados: o exemplo máis significativo foi o do policía chamado Billy "El Niño", torturador con saña que paseaba por Madrid fachendoso coas súas medallas, a última do 1982 outorgada en democracia como premio aos seus servizos prestados. Un insulto á decencia democrática e aos torturados. Tampouco permitiuse que fosen a xuízo persoeiros implicados en crimes de lesa humanidade, recoñecidos fascistas, consentindo incluso que seguiran formando parte de cargos dentro da Administración do Estado.

E volvendo ao retrovisor estamos observando arestora como se aproximan a bastante velocidade herdeiros ideolóxicos do antigo réxime dispostos a adiantarnos pola dereita co gallo de reverdecer vellos loureiros participando no xogo democrático sen crer na democracia. Vemos como hai quen proclama a necesidade de fusilar á metade dos españois sen que nada pase. Por iso é necesario mirar polo retrovisor para saber por onde pasamos e non repetir os erros cara ao camiño que hai por diante da alongada sombra da Transición.
Rubia, Xoan
Rubia, Xoan


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania