'Cuéntame', nestes tempos

Mañá empeza unha nova tempada dunha serie de culto que forma parte de min e de moitas persoas neste país: a tempada 21º de "Cuéntame cómo pasó". Unha serie que ben seguro volve convocar a familias enteiras diante da televisión.

Non hai dúbida de que "Cuéntame" é todo un éxito e que, no fondo, gústanos lembrar como fomos ou como era o río da historia que nos leva. Persoalmente creo que "Cuéntame" fainos máis humanos ao lembrarnos que temos pasado, presente e futuro. "Cuéntame" convídanos a escarmentar en carne allea e facer un mundo máis xusto. Ese mundo que ten que axitar simultaneamente a bandeira da liberdade e a da solidariedade.

Esta tempada realízase "in media res" entre 1992 e 2020 co que asume o risco de contar a historia actual. Confío moito no equipo de "Cuéntame". Agora ben: seremos capaces de facer unha análise crítica persoal e colectiva da nosa actitude durante a pandemia?