Belén COVID e Cárcel para os corruptos

Protocolo COVID e Cárcel para os Corruptos no Portal de Belén na Capela de San Antón de Moman en Xermade, este ano.

1. O número máximo de nenos pastores nun grupo será de seis e deberán manter unha distancia de seguridade (un metro e medio).

2. Se se instala unha taberna, pecharase a partir das dez da noite.

3. Non está permitida a presenza do anxo no caso de que aletee e teña un efecto aerosol.

4. Ao estar convivindo, San Xosé, a Virxe e o Neno poden estar xuntos no pesebre pero colocarase un cordón de seguridade a dous metros do berce.

5. Os Reis Magos terán que vir antes para pasar a corentena e farase unha PCR. Os camelos quedarán na última cidade confinada pola que pasan.

6. Todo o persoal non esencial (o carro, as lavandeiras, o panadeiro, os romanos de Herodes, etc.) non poderán participar nesta edición.

7. En ningún caso ninguén pode montar máis do 50% do aforo habitual; As ovellas pequenas, os porcos, as cabras e os patos non contan.