'Novas autopistas'

Todos somos conscientes de que a pandemia pon límites nas nosas vidas.
Todos sabemos que temos que coller outro camiño, temos que construír "novas autopistas" que nos conduzan a unha vida de progreso e prosperidade con liberdade de movementos.
Esas "novas autopistas" témolas que construír entre todos porque nesta "obra de enxeñeiría" estamos todos implicados.

Temos que mentalizarnos a toda présa para "colle-la autopista" que nos leve á conservación do ben máis preciado: a vida.

COSTE O QUE COSTE, CONSERVA-LA VIDA É O PRIMEIRO.

Se a "autopista" que leva á conservación da vida é a primeira que temos que coller, a "autopista" que manteña a flote a economíoa, é a segunda.
Temos que ir pola vía máis rápida porque a situación é de extrema urxencia.
Este problema non é un problema do veciño do lado nin do país do lado …
É o meu problema, o teu problema, o noso problema.

É UN PROBLEMA QUE ESTÁ AQUÍ E AGORA NA VIDA DE CADA SER HUMANO.

Parece ser que onde se orixinou xa o teñen erradicado.
Se eles o puideron erradicar…
¡NÓS TAMÉN!

Poderemos erradicalo no momento que tomemos conciencia da gravidade do problema.
Tomar conciencia das consecuencias das nosas accións sempre foi moi importante: PERO NESTE MOMENTO É VITAL.
Porque neste momento está en perigo a nosa propia vida e a nosa supervivencia como civilización.

Temos que cambiar de vida.
Temos que cambiar de vida polas boas, porque se non teríamolo que facer polas malas e sería moito peor.
Vainos supoñer moitas privacións.
As privacións forman parte da vida.

A VIDA NON É POSIBLE SEN PRIVACIÓNS.

Pero os humanos temos capacidade para establecer unha xerarquía de valores, para establecer prioridades..

AGORA E SEMPRE, O VALOR MÁIS IMPORTANTE É A PROPIA VIDA.

¿Qué non faremos por conserva-la vida?
Temos que construir "novas autopistas" que conduzan as nosas vidas a bo porto.
Parece ser que neste momento son as criaturas as que colleron a "autopista" máis segura e máis rápida.
Se as criaturiñas son capaces de respecta-las normas…
¡OS ADULTOS CON MAIOR RAZÓN!
Claro que seremos capaces.

ENTRAREMOS EN RAZÓN PORQUE DO MESMO XEITO QUE UNHA PERSOA INFECTADA PODE CONTAXIAR A MOITAS; UNHA PERSOA LIBRE DE INFECCIÓN PODE EVITAR QUE MOITAS SE INFECTEN.

Na medida en que evitemos a infección, maior será a nosa satisfacción individual e máis a colectiva.
Así de claro.
NESTA EMPRESA VAI A NOSA VIDA.

Esta empresa non paga con cartos.
Paga cunha moeda que non ten prezo.
Paga con calidade de vida.

"CALIDADE DE VIDA"

Este será o título do seguinte artigo.
Moitísimas grazas a todas aquelas persoas que xa tomaron a "autopista" que leva á conservación da vida propia e máis a allea porque teñen moi claro que non hai tempo que perder.
E moitísimas grazas por terme na súa consideración nesta ocasión.