Opinión en Galicia

Buscador


autor opinión

Editorial

Ver todos los editoriales »

Archivo

Toque de queda

miércoles, 28 de octubre de 2020
Había tempo que non se falaba dun "toque de queda" nestas terras, reservándose o concepto para conflitos relatados polos corresponsais extranxeiros dos medios nacionais no caso de catástrofes, golpes de estado ou algaradas, xa que o "toque de queda" veu sendo solución militar para pechar de noite aos habitantes dunha zona ou país, máis difíciles de controlar que polo dia.

O único recordo que temos dun "toque de queda" é o fugaz de Valencia no 23F cando Miláns del Bosch quixo solucionar "manu militari" os problemas que coidaba tiña España, apoiando o intento de golpe de Antonio Tejero.

Pero a Covid19, que trastocou tantas cousas, sopréndenos coa versión pacífica do que se aplica en tempo de guerra. E non é extraño, xa que loitamos contra un inimigo invisible, co que non valen as armas tradicionais.

Non é que o goberno tivese un rauto autoritario, senón que para evitar excesos nocturnos, varias autonomías consideraron que pode ser solución axeitada se fallan as que dependen da prudencia. Cada vez que aparece un bo día, en multitude saímos disfrutar do sol, do aire, da liberdade, e sin que sexa patrimonio da mocidade, a policía atopa festas e xuntanzas clandestinas nas que non se respetan as normas coñecidas para evitar a expansión da enfermidade, e pola causa que sexa ou a conxunción de varias, volvemos vivir tempos difíciles.

Temos xa "toque de queda", como mal menor para evitar situacións máis graves xa que pecharse de noite non é gran problema ao contemplarse as excepciòns oportunas. O peor é a connotación do nome, xa que o máis duro de aceptar do "toque de queda" é chamarse así.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania