Opinión en Galicia

Buscador


autor opinión

Editorial

Ver todos los editoriales »

Archivo

Plásticos

viernes, 07 de agosto de 2020
Cando os plásticos nos invadiron, tardamos en enterarnos de que metíamos nas nosas vidas un inimigo mortal. De repente, as casas foron máis limpas e cómodas con este novo elemento barato, que eliminou á madeira e o barro das nosas cociñas. Co barro, elimináronse barreiros e cacharreiros, daquela profesións de prestixio que daban traballo a parroquias enteiras, sendo o mellor exemplo o de Bonxe, en Outeiro de Rei, onde hoxe só queda Pepa Lombao, filla de O Indalecio, tamén o último alfareiro da comarca.

Todos vivimos tranquilos mergullados en plástico, ata que voces informadas deron en avisar do perigo deste material para as xeneracións futuras xa que mentras barro e madeira non contaminaban, o plástico invadiría a terra e tardaría centos de anos en desaparecer.

Ao comezo deste ano, esa contaminación era un dos nosos problemas principais contra os que xa se estaba a loitar. Pero chegou o confinamento, e arredamos o problema futuro por aqueixarnos outro problema maior. E neste tempo puidemos comprobar a invasión dos plásticos nas nosas casas contendo leite, refrescos, auga, xoguetes, deterxentes, ordenadores, bolígrafos… todo, nese barato, inagotable, eterno, plástico.

No lixo, a cor amárela é a máis voluminosa, sabéndose que o consumo de plásticos durante a pandemia aumentou de xeito importante. E como o virus aínda nos persegue, por agora non se vai loitar contra un inimigo que tan inocente parece. Agardemos que no inmediato futuro se vaia esvaíndo o problema principal, e cando poidamos pensar noutros problemas lembremos o perigo social do plástico, e comecemos de novo a loitar contra el.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania