Novo rexurdimento

Esa visita inesperada e inoportuna dun virus coroado que chegou con ganas de proclamarse o rei do mundo, en Galicia non o tivo tan doado porque os galegos sempre soubemos facer fronte ás adversidades con tesón e tenacidade.

SOMOS XENTE REXA, DISCIPLINADA, LOITADORA, SACRIFICADA Ó MÁXIMO E DISPOSTA A FACER FRONTE A TODO TIPO DE ADVERSIDADES PORQUE LEVAMOS SANGUE CELTA NAS VEAS.

Sabemos que nos esperan tempos duros.
Tempos nos que as probas a superar serán moi difíciles; pero non insalvables.

CONSERVAMOS A ESPERANZA ATA O FINAL PORQUE A ESPERANZA NUNCA DEFRAUDA E ESTAMOS CONVENCIDOS QUE SAIREMOS FORTALECIDOS.
Sairemos fortalecidos porque estamos habituados a traballar de sol a sol e traballaremos tanto como faga falta ata recuperar o estado de benestar que nos permita levar unha vida digna.

DESDE NENOS A MAIORES ESTAMOS CONVENCIDOS QUE TEMOS QUE POÑER OS NOSOS TALENTOS A PROBA:

A infancia e a xuventude merrece máis atención que nunca porque está máis exposta a perigos que nunca.
As redes sociais son unha arma de doble fío que haberá que controlar.
Todos temos que implicarnos a fondo para que este colectivo integrado por persoas novas será o que construirá ese futuro prometedor que todos estamos desexando.

TEREMOS QUE EMPREGARNOS A FONDO NA SÚA BOA PREPARACIÓN PORQUE:
-Unha parte destas persoas serán mestres modélicos que erradicarán a ignorancia, porque haber, haina e moita.
-Outra parte curará moitas enfermidades raras destas que están aparecendo para que as persoas disfruten da vida con saúde.
-Outra manterá a orde pública para que poidamos vivir en paz e seguridade.
-Outra sacará riqueza da terra e do mar porque deles saen os alimentos que todos precisamos.
-Oura traballará para que o aire que respiramos sexa de calidade.
-Outra parte ocuparase do mundo da empresa para que non falten os bens necesarios para crear benestar material.
-Outra ocuparase do benestar psocolóxico porque vai haber moitas persoas que precisen este tipo de atención despois de tanto sufrimento.
-Outra sentirá a necesidade de acercar as almas a Deus porque hai moita máis sede de Deus da que a simple vista parece.
A materia é moi necesaria; pero a Palabra de Deus ilumina o camiño a seguir pola acción do Espírito Santo.
-Outra, unha boa parte, rebosará de xenerosidade porque saberá que un bo corazón é un gran tesouro.
-Outra alegrará a vida de grandes e pequenos derrochando optimismo, alegría, cariño; sobre todo naqueles ambientes onde máis se precisa.
-Outra ocuparase dos servizos para que non nos falte o necesario.
-E cada persoas desde o seu posto, sacará o mellor de si pensando no ben colectivo para cambiar esta vida incerta por outra mellor e máis segura.

Pero para que todos eses froitos cheguen a lograrse é imprescindible a colaboración do colectivo de adultos que inculque bos principios.
Este colectivo xa terá ben aprendida a lección de que os bos principios son a base sobre a que pode construirse unha vida digna de ser vivida en plenitude.
Será este colectivo o que teña que facer unha profunda catarse para adaptarse a esta nova realidade para conseguir esa ansiada normalidade no prazo máis curto posible.

E tamén vai haber deberes para a senectude.
Todo canto está pasando ten que servir de aprendizaxe porque a fin de contas o que verdadeiramente nos une a todos é o desexo de felicidade baseado nas relacións fraternais.
De xeito que para poder disfrutar dunha vida feliz temos a obriga de cultivar e regar tódolos días e a tódalas horas a preciada planta de fraternidade.

Precísanse cultivadores de fraternidade para propiciar este novo rexurdimento que tanto urxe neste momento de historia universal.

“CULTIVADORES DE FRATERNIDADE”
Este será o título do seguinte artigo.

Moitas grazas pola súa valiosa colaboración nesta causa tan encomiable.
Moitas grazas por terme na súa consideración nesta ocasión.