Opinión en Galicia

Buscador


autor opinión

Editorial

Ver todos los editoriales »

Archivo

Aínda hai poucas mulleres

martes, 08 de abril de 2008
Os tópicos din de Galicia que sempre foi un matriarcado, porque a terra é maternal, porque os homes íanse á emigración ou ó mar e as mulleres quedaban á fronte da familia como “viuvas de vivos e mortos”, como denunciou Rosalía.

A muller en Galicia, por riba dos tópìcos, está conseguindo situarse nun lugar de paridade, aínda que o proceso leva tempo e moitos esforzos. Pero todo chegará. Mesmo na política.

Resulta que no Parlamento galego as mulleres aínda son minoría, representando somente un trinta e tres por cento dos escaños, o que coloca a Galicia no segundo posto por abaixo en canto ás comunidades autónomas xa que somente Navarra cun trinta e dous por cento presenta peor porcentaxe.

Todas as demáis comunidades teñen máis adiantado o proceso de igualdade, e as listas foron xa confeccionadas tendo en conta a paridade desexada, cousa que cabe supor se consiga en Galicia o próximo ano cando se celebren as que serán disputadísimas eleccións autonómicas para a constitución dun novo Parlamento.

Vimos dun longuísimo tempo no que a muller non tiña presencia na sociedade, onde todo o protagonismo quedaba para os elementos masculinos da familia aínda que estivesen menos dotados intelectual ou laboralmente que as mulleres.

Aínda hai poucas mulleres na política galega, e as alcaldesas son minoría nun mar municipal masculino. Na medida en que esta situación mellore (as próximas eleccións serán definitivas) progresaremos, normalizarémonos, e poñeremos máis racionalidade (“sentidiño”, chamámoslle os galegos) na nosa vida política cotián.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania