Opinión en Galicia

Buscador


autor opinión

Editorial

Ver todos los editoriales »

Archivo

Control dos trens

martes, 26 de febrero de 2008
Días pasados, unha avaría no posto de control de Ourense que regula o tráfico ferroviario de Galicia, fixo parar catorce trens durante hora e media, ó non poder ser seguidos desde as pantallas de tele mando.

O feito lembroume aquela viaxe en tren que organizamos durante a miña estadía no concello de Lugo, para levar centos de nenos a Monforte na súa primeira viaxe en ferrocarril, na que os nenos o pasaron de marabilla e para os organizadores supuxo unha proba de infarto.

Nada pasou na viaxe de ida, e en Monforte puidemos ver as magníficas pantallas desde as que se controlaba a circulación no territorio lucense. Pero á volta, nun túnel, o tren parou. Non ía a máquina. Non sabíamos se alguén nos controlaba, se podía ou non chegar outro tren. Os nenos organizaron a súa particular festa co resto das lambetadas e agasallos que quedaban nos vagóns, e algúns dos organizadores e condutores botámonos á vía para desde fóra do túnel facer as xestións oportunas.

Un móbil houbera solucionado o problema. Non era aínda tempo deso. Por fin, chegou unha máquina que nos remolcou. O retraso fixo que os pais, na estación de Lugo, se intranquilizasen e nin a ledicia dos pequenos viaxeiros pola experiencia gozada rebaixou o nivel das críticas paternas.

Case un cuarto de século despois, o control dos trens segue podendo fallar. Pola causa que sexa, paran os trens. Non pasa nada, mentres non pasa nada.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania