Creación e Difusión Cultural

Galicia foxe da liberdade, se consideramos verdade a afirmación de que “A Cultura hanos facer libres”. Cremos que a lectura é o mellor xeito de asumir coñecementos, de adquirir cultura, de coñecer o que ocorre ó noso arredor, de saber de onde vimos, como e quen somos, onde imos, e que nos agarda no porvir.

Coñecendo, sabendo, podemos escoller. E a acción de escoller é unha opción e unha acción de liberdade. A lectura, por tanto, fainos máis libres. Fainos libres.

Pero a opción de ler é tamén unha opción libre, e non vai a máis precisamente neste noso país.

A federación de Gremios de Editories de España ven de facer público o seu estudio sobre a lectura no Estado español, considerando preocupante a situación de Galicia, xa que o hábito de lectura está nos últimos postos en relación co resto das comunidades.

Resulta que o maior nivel lector de España está no 65 por cento e corresponde a Madrid; a media nacional é do 56,9 por cento, e en Galicia está no 53%. Último lugar das comunidades, xa que de cada cen galegos corenta e sete recoñecen non ler nunca. Último lugar tamén na compra de libros por habitante en España.

Nun concello lucense – Outeiro de Rei- había en tempos na porta principal clavado un letreiro suponse que disuasorio para os numerosos vendedores: “No se compran libros”.

Parece como se o letreiro se houbese extendido a boa tarde do territorio da comunidade. Mágoa que así sexa. E fracaso absoluto para as autoridades competentes que se ocupen da promoción da lectura, e da difusión do libro, no noso País.

Non hai Cultura sin libros. E se os libros baixan, baixa
tamén a Cultura, por moito que haxa unha rimbombante Dirección Xeral de Creación e Difusión Cultural na Consellería de Cultura e Deporte.