Opinión en Galicia

Buscador


autor opinión

Editorial

Ver todos los editoriales »

Archivo

Mourelos, amigo triunfador

lunes, 21 de octubre de 2019
Desde hai corenta anos, Fonmiñá organiza a Semana de Cine de Lugo procurando, ademais da inmersión dos lucenses no cine de autor, complementar ese aluvión cinematográfico coas actividades que os orzamentos permiten para que cada Semana sexa un acontecemento para os moitos devotos do cine da nosa cidade.

E desde hai “14 Semanas”, catorce anos na vida real, demos en publicar en papel impreso vidas parellas en devoción polo cine, en vivir o cine, con nomes tan nosos como Prudencia Grifell, Carmen Correa, Frank Braña, Manuel Lourenzo, Mercedes Cora ou Rosario Durcal que viron a luz primeira en terras lucenses, ou de provincias veciñas como Ricardo Núñez, Antonio Casal, Enrique Muiño, ou Eduardo Fajardo para o que logramos do Concello de Meis o título de “Fillo predilecto”.
Este ano honramos a Antonio Mourelos, lucense, triunfador, que deu cursos de cine hai trinta e sete anos en Fonmiñá, pasou pola radio, pola doblaxe, pola Filmoteca de Galicia, e foi conquistado polo cine e a televisión para certificar o seu total dominio do noso audiovisual.

A fórmula do triunfo é moi sinxela: vocación, ilusión, formación, paciencia, esforzo, valía… eso percíbese no libro do que é autor Manuel Curiel, Director da Semana de Cine, e que ven ser unha agradable incursión na vida e na obra deste lucense do cine, na flor da vida, no mellor da súa carreira, do que queremos deixar constancia, sabendo que xogamos con ventaxa porque Antonio Mourelos é, desde sempre, profeta na súa terra.

Subímonos ao carro do triunfador para presumir de amigo, de actor, de lucense, de traballador infatigable, de home do cine que sempre estará “en idade de merecer”.

(Xulio Xiz é Presidente de Fonmiñá)
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania