Doce badaladas ó alumeamento da Virxe

O frío e a neve non nos fan tremar.
Os días agora xa están a medrar.
Unha boa nova veñen de anunciar.
No ceo unha estrela anda a escintilar.
Tres Magos cabalgan con firme trotar.
Xosé, o carpinteiro, parou de serrar.
María, súa dona, a luz vai a dar.
Este alumeamento dará que falar.
O neno que naza, ven pra nos salvar.
Cantigas galegas debemos cantar.
Con viño de Amandi temos que brindar.
É festa no mundo. ¡Hai que a celebrar!