A Alfonso Blanco Torrado

CO GALLO DO “HECTÓMETRO LITERARIO” QUE SE LLE ERGUE NO “PASEO
DOS SOÑOS” DE VILALBA O 9 DE FEBREIRO DE 2.019

Canteite cal veciño necesario
e hoxe meu canto é por gran chairego,
especial e facerte un gran galego,
grande exemplo tamén. Extraordinario!

Nobreza e ben son teu itinerario,
defensor de Galiza sen sosego.
Loitar pola xustiza, o teu emprego;
de quen sofre a inxustiza, solidario.

No “Paseo dos Soños”, merecido
Hectómetro á túa valía dedicado,
e que por Valdi foi ben esculpido.

Pola máis fonda admiración levado,
para ti este soneto, moi sentido,
pois que mereces, sempre, ser louvado.

Os Tilos, 8/Febreiro/2019

(Soneto lido polo seu autor no Paseo dos Soños no momento do descubrimento do Hectómetro Literario dedicado a Alfonso Blanco Torrado)