Opinión en Galicia

Buscador


autor opinión

Editorial

Ver todos los editoriales »

Archivo

A ditadura da normalidade

miércoles, 30 de enero de 2019
Vendo un vídeo promotor da película “Campeones” que está colleitando un merecido éxito, sendo a todas luces recomendable, ocórreseme facer unha reflexión sobre o concepto de normalidade e a súa habilidade para castrar o ser libre que nace implícito na natureza humana.

Toda sociedade artéllase en torno a uns valores colectivamente asumidos que son necesarios para unha convivencia e un desenvolvemento; pero, temos que saber que a norma non é universal senón que forma parte dun contrato social que nos define culturalmente.

Partindo da necesidade de normativizar, é dicir, de asumir uns parámetros de comportamento social, estes poden flexibilizarse a través da comprensión da diferencia. Trátase de socializar asumindo as características persoais e valorando o que cada un de nós pode dar á sociedade. Se asumimos que non “é normal” estamos rexeitando a capacidade de crear a través dos ilímites; polo tanto, perdemos potencial humano. Neste sentido os cánones negan a diversidade e, polo tanto, son unha amenaza para a creatividade humana xa que tenden a homoxeneizar negando o ser creador.

A diversidade nunca será normal polo feito de que nela vai implícita a liberdade e, a liberdade non pode aceptar o cánon da norma. Temos que normalizar menos e aceptar máis porque non existe diversidade sen liberdade para que unha persoa sexa ela mesma.
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania