O 25 de novembro é o Día das Mulleres Maltratadas

Estamos vivindo nun pais onde para as nenas e mulleres é perigoso sair á rúa tanto de día como de noite. E na casa tamén corren perigo. Son maltratadas diante dos fillos, incluso mortas. Están sometidas e manipuladas e canto máis as fan sufrir mellor.

Qué fai a Xusticia mentres?

Sin xusticia non hai paz.

Hoxe din unha cousa e para o outro día outra. Está habendo vítimas todos os días e os violadores e maltratadores teñen quen os defendan e andan ceibos. Ata saen explicándose na televisión. É vergoñento.

Chaman a atención as sentencias dos xuices amparando a violadores e maltratadores. Mentras non haxa un castigo exemplar para toda a xente que fai mal, seguirán esos episodios noxentos. Ás mulleres se nos pide que morramos na defensa do noso corpo. Pero non se pide que os agresores respeten o mesmo. Hai un desequilibrio que cada vez aumenta, incluso no grupo de xente nova, que da a sensación que o normal é que un home dispoña da vontade da muller. Usando incluso a violencia e considerándose normal estas situacións.

Fóra maltratadores , violadores, aforados, monarquía, estafadores, corruptos… Que devolvan o que roubaron e sacalos da cárcel para que traballen e vivan como todos.

Que lle devolvan a dignidade ás mulleres que maltratan e que entendan que non somos humanos de segunda. Que unha muller é tan válida como un home.

Cando todos sexamos máis iguais será máis doado vivir.