Opinión en Galicia

Buscador


autor opinión

Editorial

Ver todos los editoriales »

Archivo

Días de cine en Lugo

viernes, 21 de septiembre de 2018
En Lugo, vimos de vivir días cine coa Semana de Cine de Autor que desde o día 10 ata este venres encheu de maxia o Auditorio e tamén o Museo Provincial, a Deputación, o antigo Cárcere, a Biblioteca Provincial e o Vicerreitorado da Universidade, que se volveron cines no que semella resurrección do tempo no que había catro locais dentro de murallas e dous na rúa de García Abad.


Foi esta unha Semana especial; a XL das celebradas desde aquel 1979, no que co apoio do Ministerio de Cultura, se organizou a primeira, na que impactaron “El huevo de la serpiente”, de Bergman, ou “Z, anatomía de un asesinato” de Costa Gavras; cine infantil con películas que viñan do Festival de San Sebastián, e curtas galegas como “O pai de Migueliño”, “O herdeiro”, “Fendetestas” ou “O cadaleito”,sobre un conto de Fole.

39 anos despois, rendeuse o pasado luns homenaxe ao que en 1979 era Delegado do Ministerio de Cultura, Guillermo Fernández Otero, que logrou que Lugo creara unha semana de cine como conseguiu daquela que o grupo Fuxan os Ventos, creado por Xesús Mato, fixeran unha gran campaña de espallamento da música popular na montaña lucense, actuando en ducias de lugares que nunca viran un recital de canción en galego.

Guillermo Fernández Otero fóra durante moitos anos alcalde de Monforte de Lemos, Deputado Provincial, e representante da Casa de Alba en Galicia. A homenaxe rendéuselle pola súa preocupación pola cultura, polo apoio ao cine, polo talante e pola acollida á idea. Como el, físicamente, xa non puido recibilo, fíxoo no nome da familia o seu fillo Edgard Fernández Cloos, maxistrado da Audiencia provincial de Lugo.

Outra homenaxe rendeuse a unha lucense que foi moi grande no cine español e hispanoamericano. Chamábase Rosario Durcal, naceu na Ronda, case enfronte da porta de San Fernando, e ven de renacer en Lugo, coa presentación do libro homenaxe de Manuel Curiel, e para o que veu a Lugo desde México o seu fillo, o actor Luis Xavier Cavazos Sanz.

O cine é unha fábrica de soños. Estes días, en Lugo, tivemos unha potentísima fábrica de ilusións, para maiores e nenos, coa que poder disfrutar e seguir soñando cos milleiros de mundos que o cine ofrece e nos que pola maxia da sétima arte podemos entrar.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania