Opinión en Galicia

Buscador


autor opinión

Editorial

Ver todos los editoriales »

Archivo

As peneiras do pensamento

miércoles, 05 de septiembre de 2018
Vivimos tempos incertos, tempos tendenciosos de sobreinformación nos que todo o mundo sabe de todo nivel experto. As redes sociais difunden información a velocidade de vertixe, o que fai que calquera nova poida recorrer o mundo en cuestión de segundos. Falamos de novas tratadas dende unha perspectiva subxectiva e, polo tanto, tendenciosa.

Cabe aclarar que non hai nada malo en ter unha tendencia e informarse en medios afíns.Toda persoa ten dereito a escoller o prisma dende o que quere ver a vida, polo tanto os medios de comunicación ideoloxizados son admisibles e lexítimos (sempre e cando non estean financiados co erario público).

O problema, como tantas veces, vén da man da educación que ten a obriga de formar cidadáns críticos e capaces de distinguir o prisma dende o que se está informando para valorar na súa xusta medida a información. Nesta empresa a educación loita contra un xigante chamado internet, onde a verdade e a mentira conviven en harmonía. É culpa de internet? Non, internet é como un tendal: ten conta do que lle poñen. É culpa de quen colga? Depende: se mente consciente e intencionalmente para favorecer uns determinados intereses en detrimento doutros, evidentemente si; se, en troques, expón a súa visión dun determinado tema é perfectamente lexítimo.

Respecto aos medios está claro que cando a tendencia se volve tendenciosidade, converténdoos en lacaios, entran nunha espiral ideolóxica que os leva a antepoñer os citados intereses á ética xornalística.

De novo a solución é a educación crítica que leva á persoa a poñerlle peneiras ao pensamento para separar o grao da palla escollendo, con criterio propio, as fontes das que quere beber.

Na medida na que a educación sexa capaz de poñer peneiras no pensamento, estará botando os alicerces dunha democracia consolidada.
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania