Silencio da Igrexa nos casos de abusos pedófilos

Aproveitei a liturgia do DIA DA ASUNCION, para denunciar a actuación dos sacerdotes pederastas e o silencio da xerarquía eclesiástica ante tales abusos.

Na homilía dixen que resulta rechamante que feitos como os que agora están saíndo á luz sucedan con persoas que teñen a Deus por norte, e explico que sexan ou non públicos, son unha vergonza.

En canto á postura da Igrexa, tamén cuestiono a súa forma de actuar, evitando a cuestión, sen mirar aos ollos danados da vítima, e considero terroristas a todos aqueles que co seu silencio trataron de ocultar a podremia da acción.

Son terroristas, segundo o meu xeito ver o sucedido, porque terror é o que sente o que o padece. Terror o que sofre cando non pode contalo. Terror dálle pensar en denunciar, e terror que vai desaparecendo cando vai curando a ferida.

Conclúo sinalando que o Deus misericordioso non está a rifar co código civil dunha sociedade democrática e subliño, así mesmo, que son escasos os pedófilos en relación ao número total de sacerdotes.

ISTO FOI O QUE FALEI, xa que María é nai. E por iso tamén falei da así mesmo fale da dor dunha nai ante a droga e os accidentes de tráfico, na que morren moitos dos seus fillos/fillas.

(Luis Ángel Rodríguez Patiño é cura de Momán e Labrada).