Opinión en Galicia

Buscador


autor opinión

Editorial

Ver todos los editoriales »

Archivo

Empate técnico

miércoles, 17 de octubre de 2007
Estamos en época preelectoral case permanente, e neste momento a próxima celebración dos comicios xerais invade toda a vida política, todas as institucións, e as respiracións dos políticos teñen un cheiro electoral detectable polos menos avisados.

Véndesenos a idea do empate técnico, que quererá decir que a escala Estado español os dous primeiros partidos van obter un resultado moi parecido sen que debamos esperar demasiadas fluctuacións.

Segundo que medio xeral facilite a información, o PSOE levaralle cinco puntos de vantaxe ó PP, ou o PP estará rozando en posibilidades as mesmas que se lle adjudican ó partido agora gobernante.

Esa igualdade despois de case catro anos do goberno do PSOE pode ser un pouco descorazonadora para o PP por non ter logrado coa súa oposición abrir unha brecha seria no aparato socialista, pero o mesmo ou máis descorazonadora ten que ser para o partido no Goberno por non ter sabido “vender” mellor as súas realizacións que as ten como todo goberno dun país coma o noso.

O empate técnico non é boa noticia para o conxunto dos cidadáns, porque significa que o partido que consiga máis votos vai precisar de máis apoios para poder gobernar, porque tamén entendemos que o que teña máis votos vai ser o encargado de formar goberno.

O PSOE sempre atopa aliados afíns á súa política. Non así o PP, que non ten forzas nas que apoiarse para levar adiante un programa de goberno, debendo gobernar en solitario.

Certo que un empate técnico agora, a cinco meses das eleccións, ten aínda por diante moitas posibles alteracións, segundo a partir de agora camiñen a economía, o social, a política, o país.

Agárdannos tempos axitados. E como nun encontro deportivo, hai que buscar o desempate, aínda que sexa técnico. Xoguemos, que nos vai moito nesta competición. E un empate non nos vale.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania