Opinión en Galicia

Buscador


autor opinión

Editorial

Ver todos los editoriales »

Archivo

Agradecemento de Xesús Mato

lunes, 02 de julio de 2018
AGRADEZO á Xunta de GALICIA (na persoa do seu Presidente) o agasallo dunha medalla Castelao.

Felicito aos premiados e gosto de que sexa a homenaxe expresa ó rural galego!

Agradezo ó Orfeón Lucense o solicitala e ó Concello de PARADELA por facela real. Envío unha mensaxe agradecida ás parroquias de Lalín, Donramiro e Donsión, donde comecei como cura e fun moi feliz (1958/1967);o mesmo para a cidade de LUGO nos tempos do nacemento de Radio Popular(1968/1983) e ás cinco parroquias da Montaña de Pedrafita e A Teixeira do Caurel.

Tres etapas moi distintas, pero moi felices e cheas de vida e riqueza para min.
Dou grazas a Deus polas oportunidades que puxo diante miña! Son un “dos mimados do Señor”! Palpo a súa presenza e síntome apoiado por El.

Os comezos en Lalín, coa chegada do Concilio Ecuménico co Papa San Xoán XXIII e o posterior Concilio Pastoral de Galicia con implicación dos laicos na marcha da Igrexa, foron quen de abrirme os ollos aos novos xeitos de vivir a vida cristiá. O papel dos laicos era “posible e podiamos convertilo en realidade” naquelas utopías do maio francés (68). Europa estaba camiñando cara unha vida nova, distinta, mellor… (Plan Marshal). A Igrexa tiña que ver, escoitar, acompañar, ser máis humana e próxima no senso cristián do amor e a gratuídade.

Desde aquí coido que arrincou a filosofía de vivir a vida e de axudar a vivila aos demais! Por iso, é de lei COMPARTIR MEDALLA (“co mesmo amor e sensibilidade” que tivo Castelao coa súa Terra) con todos os membros de "Galicia canta ao Neno", "Fuxan os ventos", "A Quenlla" e os fregueses da MONTAÑA cos seus "reises e reiseiros”.

Desexo subliñar que a forza e eficacia de AUXILIA/LUGO, tanto a escala local coma do Estado chegou da cabeza e da man dunha mestra lucense que asumiu a dirección aos 5 anos de ser fundada. Con ela, pasouse do “traballar para…ao traballar con”. Hai moita diferenza.

Grazas a todos os que vos aledades con esta boa nova. Sodes partícipes dela!
Mato, Xesús
Mato, Xesús


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania