Opinión en Galicia

Buscador


autor opinión

Editorial

Ver todos los editoriales »

Archivo

XLVI Semana de Música do Corpus de Lugo (e 4)

jueves, 07 de junio de 2018
Luns, 28 de maio. Casa do Saber da USC. Hora 20,30. Massimo Spadano, violín.
Fernando López Pan, clave

Apreciacións sobre a Sonata Op.5, nº 12 La Folia de Arcangelo Corelli

Sic transit gloria mundi.
Musica donum dei


Rómpese a alma en notas de cansazo, e a folla de outono baixa silente entre as árbores que se quedan núas, pero agora os spiccatos flúen na rampa das follas abaladas polo vento do violín e as notas do clavecín que sucan espazos.

O violín manda, rompe, racha a esgalla o outono tan rápido como un Vivaldi de verán; unha, outra e as demais; fortes, sinxelas, lúcidas e agarimosas brandindo e esculcando a luz entre a folla, que se debulla en formas e carreiras, que nunca víu o seu alíado, o vento forte que as leva e arremuíña nos parques en loitas de beleza.

Tristeza, sempre tristeza, e dozura, sempre dozura e sentimentos. Luz, aire, seres que bailan ao seu compás e senten a marcha e os devaneos e delirios da folla entre os vales e os recovecos do xardín, de acordes mimados polo floreo das notas bébedas de beleza e de andainas, empuxadas polas mans dun mago, Spadano, e do seu compañeiro López Pan, que fala da natureza que se esperta diante da beleza sonora das follas repartidas polo aire e polo silencio du tempo perdido, entre a historia e o eterno retorno dun violín que remexe entre as follas, para sacarlles o zume dos deuses e entregarllo aos oíntes, nunha loucura asonante de arcos en movemento doce e distante.


(Escrito mentres se escoitaba aos dous mestres)
Otero Canto, Xosé
Otero Canto, Xosé


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania