Opinión en Galicia

Buscador


autor opinión

Editorial

Ver todos los editoriales »

Archivo

Frank Braña/Manuel Curiel, extraña parella

viernes, 21 de septiembre de 2007
A manifestación máis expresiva do poder norteamericano percíbese no cine e na vida cotián. E tempos houbo (hai?) en que unha película norteamericana, polo feito de selo, tiña garantido moito maior éxito ca outra europea, xa non digamos española, por boa que fose.

Por eso, o noso heroe, para poder selo, tivo que chamarse Frank, aínda procedendo da conxunción que forman Asturias e Galicia cando queren ser á vez terra garimosa e brava.

Soubo de Asturias e de Galicia. Pertence a Pola de Allande e á Fonsagrada, traballou na mina e é unha lenda viva do cine hispano onde morreu cen veces para nunca máis morrer. Din que é o europeo que mellor e máis veces ten morto no cine. E sen embargo, segue máis vivo ca nunca paseando a súa madurez serena por Collado-Villalba, onde todos o queren e admiran.

Curiel, fonsagradino, descubriuno hai tempo. E recoñecendo a súa procedencia asturiana aproveita que a zona sexa común para poder homenaxear a súa importantísima parte galega. Porque Frank Braña é tamén plenamente lucense, un home de cine e do cine, secundario ou actor principal, que está xa no libro de ouro intanxible pero certo no que se escriben para sempre os nomes das películas que se fan en Galicia, e os nomes dos galegos que fan cine en todo o mundo.

Tomade nota do seu nome, cinéfilos. Chámase Frank Braña, e ten vivido un mar de cine, ten recorrido centos de kilómetros de celuloide, ten disfrutado dos placeres de cen platós, e ten morto incontables veces para que o cine viva.

Manuel Curiel e Frank Braña, parella cinéfila, extraña parella de cine producida polas terras de Fonsagrada. Por milagre da ars séptima que os une, témolos visto xuntos por Lugo nestes idus de setembro.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania