A Xesús Mato Mato

Pola súa amizade, pola súa entrega total a Galiza e ós humildes, pola súa homía de ben, pola súa defensa permanente da dignidade humana, honra de Cabodevila, San Martiño, Paradela -Lugo-.


Eu non tiven a sorte de tratarte
antes do libro dos teus cen amigos,
que, da túa valía fieis testigos
e amigos fieis, tentaron retratarte.

Es seguidor de Cristo verdadeiro,
que predicas co exemplo da túa vida,
Galiza na túa alma ben metida,
sempre servindo a Deus, non ó Diñeiro.

Co empuxe teu "Galiza canta ó Neno"
e creas a canción "Fuxan os ventos".
A Quenlla teu fervor meirande teno.

Lingua, Música, Radio... son a centos
méritos teus; súa fonte, un amor pleno,
con entrega total, sen finximentos.

Os Tilos, 15/marzo/2.017

Xoán Xosé Fernández Abella, apoiando a petición da MEDALLA CASTELAO a XESÚS MATO MATO.