Busquemos amor

A palabra amor interpretámola de mil maneiras distintas:
-Amor de pais
-Amor de amigos.
-Amor de parellas.
-Amor egoísta.
-Amor altruista.
-Amor entre persoas de sexo oposto.
-Amor entre persoas do mesmo sexo.
-Etc…

Cando realmente o AMOR, SÓ É AMOR
O AMOR É UNIVERSAL.
Busca únicamente o ben propio e máis o ben alleo ó mesmo tempo.
O contrario do AMOR é o odio.
Quen encontra o AMOR, encontra o máis valioso despois da vida e da saúde.
Quen ten AMOR, ten a riqueza máis grande.

-¿Qué hai que facer para ter AMOR?
Hai que fabricalo.

-¿Dónde se fabrica?
No noso interior, nese punto brilante que irradia tódalas nosas boas obras.

-¿Quen pode fabricar amor, os ricos, os pobres, os do norte, os do sur…?
Todos.
Absolutamente todos.
Non existe no mundo ninguén tan pobre que non teña amor no seu corazón.
Tampouco hai ningún rico que estea sen el.
Témolo todos.
Só temos que descubrilo.

-¿Cómo o descubrimos?
De mil maneiras:
-En nós mesmos.
-Nos nosos pais.
-Na nosa familia.
-No noso vecindario.
-Na nosa profesión.
-Na nai natureza: no sol, na terra, no aire, no mar…
-Na vida…

En primeiro lugar en nós mesmos porque se non podemos velo no noso interior, moito menos o veremos fóra de nós.
No noso interior hai todo o amor que necesitamos para ser felices: a circulación, a respiración, os tecidos, os órganos internos, o esqueleto, os sentidos…
¿Parámonos a pensar cantas voltas dá o noso sangue ó longo do día, dos anos, de toda a vida..?
Poucas veces ou nunca porque é un acto involuntario e automático.
Non temos que darlle corda ó corazón para que funcione; pero ALGUÉN lla está dando tódolos días, tódolos minutos, tódolos segundos da nosa vida.

Aí está o AMOR.
Outro tanto pasa coa respiración.
Non precisamos darlle aire cun fuelle ós nosos pulmóns; pero ALGUÉN se encarga de facelo.

Aí está o AMOR.
E o mesmo pasa coa dixestión. Tampouco temos que botarlle química para que se produza; pero ALGUÉN o fai.

Aí tamén está o AMOR.
O AMOR está en todo o noso ser, no ser dos demais e en todo canto existe.
O primeiro que temos que facer para que o AMOR se manifeste é amarnos a nós mesmos máis que a ninguén.

Amarnos equivale a cuidarnos e mostrar agradecemento ó milagre da vida.
Cando nos sintamos amados por nós mesmos, tamén nos gustará que nos amen e amar a cantas persoas encontramos no camiño da vida.

De feito cando alguén nos fire, sentimos que o noso corazón sofre, a saúde física e psíquica tamén se resinten.
Nese momento estamos aprendendo unha lección moi importante:
“Se os outros poden ferirme cos seus actos, tamén eu os podo ferir”
¡SALTA A ALARMA!

¿Qué teño que facer para evitalo?
Concienciarme de que o AMOR É O MOTOR DO MUNDO.
Onde hai amor, todo funciona porque a vidá é froito do amor.

”A VIDA É FROITO DO AMOR”
Este será o título do seguinte artigo.
Moitas grazas por terme na súa consideración nesta ocasión.