Opinión en Galicia

Buscador


autor opinión

Editorial

Ver todos los editoriales »

Archivo

Mudar os contos

miércoles, 28 de marzo de 2018
Esta semana andiven indagando sobre diversos aspectos de recreación cultural. Entón, apareceu unha versión en catalán de carapuchiña vermella cunha clara intención de fomentar a igualdade de xénero, reflexionando entre outras cuestións sobre o feito de ter liberdade de movemento e poder ir soa pola rúa sen ningún tipo de risco.

Calquera cunha mínima apertura de mente no mundo actual pode considerar esta liberdade de movemento unha obviedade; non en tanto, os feitos que sufrimos no día a día tenden a limitar dita liberdade que polo tanto lonxe de ser obvia deixa de existir. De novo, na base do problema temos unha cuestión educacional e ten que ver con todo o que fomos deixando como espazo de transversalidade sen convertelo en materia por medo a que esa materia se convertese nun elemento ideoloxizador.

O resultado de todo isto é que agroma o que estaba subxacente e a sociedade que subxace estaba tan lonxe da democracia como da igualdade de xénero. Entón, toda a cultura que nos lega dita sociedade debe constituir un fondo documental dos valores dos que fomos evolucionando como membros dunha realidade.

A partir de aquí e sen perder os produtos culturais legados, temos que xerar novos produtos e recrear os legados de xeito acorde coa evolución da nosa escala de valores. Neste sentido, resulta fundamental ver de onde vimos para non retroceder e, ao mesmo tempo, recrear sobre a base popular contos e cancións que nos sirvan para afianzar os valores fundamentais desta sociedade.

Recrear a cultura implica adecuala á escala de valores asumida pola sociedade en cada momento histórico e supón legar ferramentas educativas para manter dita escala. Polo tanto, é unha labor fundamental que non só a fai pervivir senón que tece un vínculo emocional coa persoa ao implicarse nos problemas ou debates sociais propios da súa realidade e do seu tempo.
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania