Escoitade o Viño, porque el é o símbolo da nosa historia milenaria

Que razón tiña, sin duda, o galego máis interesante dos derradeiros lustros en moitas facetas intelectuais e moi en concreto nestas lúdicas do viño e da pitanza. “Miño abajo, dice Álvaro Cunqueiro, está el país de Chantada, con los riberos miñotos de Asma y de San Fiz, con las viñas de Belesar: aquí mejoran los vinos, más los tintos que los blancos, y hay cepas de Caíño de “Caliginus”, es decir, oscuros, sombríos y de Mencía, la buena uva leonesa. Para mí los mejores son los tintos de San Fiz, que las monjas de Chouzán enviaban a sus hermanas de San Pelayo de Antealtares, en Compostela. Son muy serios estos vinos chantadinos, con un cuerpo liviano y suave, y a pesar de tintos se pueden beber frescos, con el frescor de las bodegas de la ribera derecha del Miño en Belesar. Recordaré siempre un día que fuí allá, se estaba llenando el embalse de Belesar, y ya las aguas cubrían el viejo puente, que parece que fue romano y luego reconstruido por los días medievales, y de la piel del agua surgían las ramas de unos albérchigos, florecidas en rojo, que era a comienzos de mayo, y yo bebía el vino de la bodega, sentado a la puerta y estaba melancólico; pero la tristeza era sólo mía, de ver tanta tierra y aquellas flores rojas ahogadas en las oscuras aguas de la presa...”

I-e que o viño, é algo que pertenece a ritos e a sentidos misteriosos e esquecidos, é algo cuio segredo fúndese na enigma máis profundo dos tempos. Xa o sabemos os que somos aficionados ó viño. Non se trata dun arcano incomprensible nin dun misterio insondable. Trátase, desgraciadamente, de normas de vida e de sociedad que caeron en desuso, arrasadas pola industrialización e polo afán de lucro.

O simple, o ancestral, o campesino e dionisíaco feito de facer viño e bebelo, a relación festiva e báquica entre o viño elemental e o home elemental, cantas cousas non se engadiron hoxe!... burocracia, lexislacións, impostos, denominacións de orixe, consellos reguladores, etiquetas, tecnoloxías de vinificación, ciencia enolóxica, estudios de mercado, publicidade, intereses económicos e políticos, que estes derradeiros, si son cousa nova, incentiváronse ate límites que rozan co absurdo e son perfectamente capaces de distorsionar a realidade.

A pesar de todo esto e no nome de Dionisios –o dous veces nado- sede benvidos á feira e festa do viño de Chantada. Tomade as copas, “nacidas para exercitarse na ledicia”, en fermosa expresión do latino Horacio, “en las que alienta la sangre del olvido y la alegría en una llama cálida y violenta”, en soneto de Morales. Facede caso ó árabe Háfiz: “Falade de música e de viño. Non intentedes penetrar nos segredos do universo. Ninguén resolveu este enigma pola filosofía e ninguén o resolverá xamáis. Escoitade ó tamén árabe Omar Khayyam, o poeta do viño e da rosa: “Eu sei ben que soamente o viño ten a clave do enigma e que tan só el outorga á consciencia dunha perfecta unidade. Unha copa vale máis que un reino, a boca da xarra é preferible á coroa dun imperio”. O segredo está no viño: atendede ó eximio Blas Pascal: “Hai máis filosofía encerrada nunha botella de bo viño que en tódolos libros xuntos”.

Escoitade ó viño, porque el é o símbolo da nosa historia milenaria. Exaltade as súas virtudes: amizade, tolerancia, benevolencia de expírito, ledicia compartida, repouso do corazón. Compadecede ós que non son capaces de ver no viño outra cousa que puro alcoholismo, e brindade conmigo polo éxito da feira e do viño de Chantada en comuñón con aqueles goliardos medievais, lonxanos no tempo, pero ben achegados no espírito.