Opinión en Galicia

Buscador


autor opinión

Editorial

Ver todos los editoriales »

Archivo

Facenda aínda non somos todos

lunes, 20 de agosto de 2007
O Ministerio de Economía é plenamente consciente do papel da economía sumerxida na vida deste país, e non dubida en recoñecelo oficialmente nun estudio que ven de facerse público do que resulta que o 54,23% dos alugueres en zonas costeiras de toda España non se declara oficialmente.

Vendo as estatísticias oficiais nas que o Estado español ven ser a décima economía do mundo, cabe preguntarse que ocorrería se todos declarásemos de acordo coa realidade, se o diñeiro negro non impuxese a súa Lei na nosa economía.

Hai sectores manifestamente incontrolados, e o do turismo é un deles pola incidencia que nel teñen innumerables particulares que participan no sector como intrusos nun apetecible mercado.

E por esa situación de economía incontrolada, o peso dos impostos que non se distribúen como deberan, son máis fortes do que poderían ser.

Estamos a falar de cifras descoñecidas pero escandalosas. Porque só o exemplo recoñecido por Economía xa fala de 650.000 arrendamentos non declarados, que veñen supoñer arredor de 1.200.000.000 € fóra de control. Deles, 63.400.000€ en Galicia.

Cabe supoñer que diante desta situación que Economía recoñece, as autoridades correspondentes tomarán as medidas oportunas para que esta vergoña –máis aínda para a Institución que para os particulares- non se siga producindo.

Eso de que “Facenda somos todos”, usado como slogan, non é máis ca vana palabrería, un conto. Por agora, Facenda non somos todos, nin moito menos.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania