Opinión en Galicia

Buscador


autor opinión

Editorial

Ver todos los editoriales »

Archivo

A vida en cores

miércoles, 24 de enero de 2018
Esta semana estiven vendo vídeos de xente que padece daltonismo. Resulta que hai unhas gafas que permiten unha nova visión en cor o que cambia totalmente as perspectivas destas persoas. O primeiro impacto é brutal, semella practicamente milagroso. É como anular unha forma de ver para percibir a realidade total. Por iso, o aflorar das emocións é inevitable.

Non cabe dúbida que a vista é o maior tesouro do ser humano, quizais o primeiro dos cinco sentidos. Nela temos o primeiro contacto co mundo, percibimos o seu movemento e o seu cambio dacordo cos ciclos naturais. Hai cousas e formas inexplicables para o que non ve. Por iso, é unha emoción moi forte ver de súpeto a realidade total. A cor ten moito que ver co estado de ánimo. Isto explica que a primavera nos leve á ledicia vencendo ao inverno cun mosaico de percepcións. Por tanto, é importante fomentar a percepción da cor e investigar para que quen non a ten poida adquirir esta habilidade.

Non debía haber límites de financiación para quen loita por rachar os límites do ser humano cara a unha vida plena. As cores non son un asunto menor nesta plenitude que é imposible sen unha percepción veraz da realidade. Polo tanto, non cabe dúbida que se debe impulsar toda investigación que contribúa a mellorar a vida das persoas, sexan minoría ou maioría, porque vimos á vida para coñecer a vida e non pode haber límites sociais, políticos ou económicos para vivir en plenitude.
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania