Opinión en Galicia

Buscador


autor opinión

Editorial

Ver todos los editoriales »

Archivo

Á beira do Camiño: ¡Moitos fumes!

sábado, 28 de julio de 2007
DEMASIADOS!. En Santiago, nos camiños, nas zonas, nos medios. Na Xunta, na nova Deputacións, nos Concellos. Nos gobernos e na oposición. Mesmo na Igrexa. Segue a se vender fume ademais do que deixou o botafumeiro e os fogos do Apóstolo. ¡Máis caos e confusión!

Á hora da revisión (e/ou da resaca das festas), cremos que foron demasiadas as concentracións e desfiles. Antes, en e despois da festa do Apóstolo. En Santiago e no resto de Galicia. Os políticos, sempre omnipresentes. Algúns aparcaron os devezos e loitas locais para exhibir o seu pobre patriotismo e/ou o temporal galeguismo.

As rimbombantes declaracións “institucionais”, en fidelidade a un descoñecido patrón (¡a Santiago nin o citaron!) soan a cinismo. Tiraron foguetes invitando a celebrar “a Festa Grande, o Día de Galicia, da Patria Galega, apelando á historia”. Coa unidade como lema e faltando á verdade e ao respecto. E presumindo do fume ata das promesas incumpridas.

Con perdón, están na mesma liña do abafante programa da TVG “Gran Camiño” (insultante entroidada ó Camiño e aos peregrinos) copia doutro “irmán”, que non xustifica nin a boa intención de deixar o tabaco. Tentan de se facer donos do sagrado, feren sensibilidades, profanan e venden o Camiño.

O botafumeiro naceu para purificar os malos cheiros das vellas e grandes concentracións de vellos tempos. Un rico símbolo e unha chamada á Igrexa galega e aos seus gobernantes para asumir o reto/obxectivo de limpar a enorme cantidade de impurezas e inxustizas á hora do reparto equilibrado da riqueza e bens da Comunidade galega.

Os recentes paseos de gobernantes pola Montaña lucense (¡seguro que de boa fe!) tamén son fume. Está á vista.Todo se centra nun cativo amaño de estradas (algunhas feitas) e noutra montaxe de cursiños, dos que xa coñecemos o seu proceso e a súa dubidosa utilidade.¡Non máis fumes, por favor!.Somos persoas adultas. Non nenos/as.
Mato, Xesús
Mato, Xesús


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania