Opinión en Galicia

Buscador


autor opinión

Editorial

Ver todos los editoriales »

Archivo

Ceas de empresa, tamén en galego!

martes, 21 de noviembre de 2017
Chega o tempo das ceas de empresa como limiar das festas do nadal. As expectativas de negocio para os restaurantes seica van ser óptimas. Non é de estrañar porque celebraranse por milleiros. Nelas o ambiente de camaradería irá acompañado de bos pratos, viños e licores. É unha boa ocasión para que os encargados de organizalas poñan a proba o seu criterio e o sentido común na escolla dos menús.

Dicimos bo criterio porque as máis das veces, por non afirmar que sempre, non se repara na transcendencia que ten para a nosa economía o abultado gasto que se vai facer, se impera o sentido da responsabilidade coa economía do país.

Porque coa elección dos produtos podemos apoiar as nosas industrias de transformación agroalimentarias que sobreviven no rural con dificultades.

Porque ampliamos o número de consumidores e consumidoras nas grandes áreas metropolitanas para que as nosas explotacións agrícolas sexan rendibles e un medio de vida para as xentes do agro galego.

Porque dárllelas costas a familiares e amigos que manteñen con esforzo heróico as explotacións agrícolas é unha mostra de insolidariedade con esas xentes.

Porque Galicia necesita ter economía propia, de seu, para non sermos dependentes doutras, fixar poboación no agro e oportunidades de traballo nel.

A cohesión social de Galicia ten que forxarse cunha economía sólida, diversificada e cunha boa redistribución da riqueza, e un patrimonio cultural común. Con estes bimbios poderá ser posible crear unha Galicia próspera en todo o seu territorio e non só nunha parte dela . Ao contrario, abandonar o rural, é afondar nos desequilibrios territoriais que empobrecen e mancan a nosa identidade forxada pola historia.

As ceas de empresa son unha boa oportunidade para apoiar os produtos galegos, preferindo o seu consumo aos foráneos. As escollas do menús deben facerse pensando nas consecuencias, positivas ou negativas, que poden ter para o noso tecido produtivo.Velaí porque,en primeiro lugar, apelemos á sensibilidade daqueles que por razóns políticas ou sindicais,saben do que estamos a falar. Pero tamén, en segundo lugar, a todos os demais, para que se paren a pensar que Galicia precisa dunha economía propia.

Nas ceas de empresa, amigas e amigos, consumamos produtos galegos, e deles, aqueles que se identifican coa nosa cultura etiquetándose en lingua galega (viños, licores, lácteos, embutidos, conservas vexetais…). A economía e a lingua teñen que ir da man dos consumidores. Axudemos á galeguización da economía e ao mantemento de postos de traballo no rural.

(Xosé González Martínez é Presidente do Foro E. Peinador)
González Martínez, Xosé
González Martínez, Xosé


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania