Opinión en Galicia

Buscador


autor opinión

Editorial

Ver todos los editoriales »

Archivo

Xosé Manuel, entre muxicas de liberdade

miércoles, 08 de noviembre de 2017
Fúcheste resistindo e deixaches un ronsel cheo de camiños para recorrer. Para que Galicia perdurara, para que a Cha se anegue permanentemente de verbas.

As verbas túas das que hoxe somos orfos, esas que contiñan o teu xeito peculiar de ver a vida, de reivindicar unha sociedade mellor, máis xusta e de estar sempre onde a palabra é precisa para alentar a tristura.

O xeito que tiveches de vivir danos idea de onde podes estar agora, seguro que facendo algunha trasnada tecida a medias co Bernardo ou con tantos amigos que formaban os recordos das lealdades sempre mantidas. Imaxínome que levarías escondida nun peto unha baralla para sorprender o teu primeiro anfitrión no paraíso. Daquela, antes de abrirche a porta xa estaría chorando coa risa porque ti fixéraslle un truco daqueles requintados que nunca remataban e cando contábamos gañarche volvías gañar ti.

O tema é que hoxe sentimos a túa ausencia porque non temos gargalladas, viñan todas do teu maxín infindo en ocorrencias. O que si temos é a certeza de gardar en nós a túa fraternidade, sentíndote como un imprescindible modelo a seguir.

Falar de Carballo e non sorrir sempre foi matematicamente imposible e abofé que o seguirá sendo. Se rimos xuntos na túa adversidade sorriremos xuntos no teu recordo; entón, aquí tes o máis bonito que nos deixas, quizais a esencia de ti mesmo que sen dúbida algunha nos obriga a ser mellores.

Como es ti un ten a sensación de que vas a aparecer nun chiscar de dedos para facernos algunha trasnada. É unha sensación bonita e confortante, outro agasallo máis da túa xenerosidade na que ti ficas para sempre.

Grazas por todo o que nos deches e agora desfruta coa tribu que xa forma parte da Galicia eterna. Iso si, tede tino coas trasnadas...
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania