Concienciar nun minuto

Down Coruña e Borja Dorado volven á carga na difícil tarefa de sementar conciencia social e camiños para a igualdade de oportunidades. Desta volta fano producindo unha curta dun minuto onde se reflicte o que quizais é o maior ilímite que comparte a humanidade: a capacidade de amar e ser amado. Sempre resultou paradóxico que do noso mellor ilímite fixéramos o maior tabú social. Isto afecta como ben é sabido ao mundo da diversidade funcional, quizais en maior medida que a outros colectivos. Algo que exemplifica perfectamente no intenso debate sobre sexualidade que se dá en todo o entorno da diversidade funcional.

Nesta curta reflíctese o amor e o sexo libre entre dúas persoas. Coutar isto é multiplicar a dependencia minando a liberdade imprescindible do ser humano. Os que loitamos pola igualdade e pola inclusión necesitamos vela materializada na rúa, en cada esquina, en cada banco. Por iso, este traballo é esencial para explicarlle ao mundo que é tan sinxelo como ser nós mesmos e convivir en sociedade.

Os meus parabéns por un traballo que revoluciona novamente as acepcións da verba diversidade.