Opinión en Galicia

Buscador


autor opinión

Editorial

Ver todos los editoriales »

Archivo

Rachar profecías

miércoles, 16 de agosto de 2017
Esta semana ensarilleime na procura de profecías reparando especialmente en Baba Vanga, vidente búlgara que quedou cega tras ser despedida por un tornado. No seu currículo está a predición e acerto da morte de Stalin (polo que foi arrestada), a Primeira Guerra Mundial, a morte do seu irmán ou afundimento do submarino Kursk. Como Nostradamus algunhas, as súas profecías están cheas de medo e debuxan un panorama bélico pouco alentador pero, pola contra, Baba tamén debuxa oportunidades que parecen diluídas pola acción humana. Ata o ano 5079, no que Baba sitúa a fin do mundo, a especie humana parece destinada a repetir os seus erros. Aínda así hai esperanza: Baba fálanos da cura de todas as enfermidades no 4304, a perda da malicia ou do odio no 4308 ou a inmortalidade no 4599 (supoño que a inmortalidade durará ata o 5079..).

Está claro que as visións de Baba son moito máis optimistas que as de Nostradamus que prognostican a fin do mundo no 3797. Segundo este home estamos a punto de entrar nunha guerra de 27 anos entre EEUU, Rusia e China, mencionándose nestas profecías do século XVI o nome de Mabus que cadra co apelido do actual secretario da armada dos EEUU Ray Mabus.

Isto, como mínimo é curioso. Se damos un paso máis e analizamos a nosa realidade de xeito obxectivo, o estalido desa guerra é máis que probable dada a tensión entre as potencias.

Os nosos mandatarios, crean ou non nas profecías, deberían impoñerse o reto de contradicilas buscando, nesa contradición, o rexurdimento da humanidade. Por desgraza os egos que dominan o mundo non teñen interese en rachar estas profecías. Están tan ocupados en facer historia que non lles podemos pedir a maiores que xestionen o presente...
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania