Opinión en Galicia

Buscador


autor opinión

Editorial

Ver todos los editoriales »

Archivo

Á beira do Camiño: O San Cidre

sábado, 12 de mayo de 2007
A festa do San Cidre lémbranos a vella e rica Galiza rural, a piques de perder a súa identidade e de morrer afogada pola esta aloucada sociedade urbanizada e globalizada. O imparable abandono do rural agrava a desfeita, medrando a soidade e a pobreza.

Esta semana celebran festa na provincia de Lugo as freguesías de Sexosmil (Meira), San Xoán de Lóuzara (Samos) e Viduedo (Triacastela).Tamén fan festa/feira os labregos/as de Sarria, Paradela, Castro do Rei e o barrio urbano da Piringalla en Lugo/cidade.

O Movemento Rural Cristián celebrouna, onte, na Zona de Mesía (A Coruña). Co lema coidando a Terra para a vida, centos de labregos/as denunciaron o abandono do noso agro que está a perder seis empregados por día (96.162 entre 1995 e 2006), os abusos nos prezos dos intermediarios (subiron o 2000% na carne de polo, o 377% na do porco e o 165% nas patacas) e o feito de que 15.000 gandeiros se enfronten á inevitable crise. Dos 54.490 inscritos na agraria, o 92% son por conta propia. A baixada de prezos chega cando a produción sube. Hai 230 cooperativas bloqueadas por falla de industrialización.

Con este panorama é difícil celebrar, con fe e ledicia, a festa do Patrón. Pero aínda lles quedan folgos a estes milleiros de labregos/as para compartir sementes autóctonas e cantar: “San Cidre, santiño amigo -patrón da xente labrega- ti que soubeches xuntar -o culto coa fe e a terra- axúdanos a confiar - no Deus que cura e libera” (M.Regal) Só lles queda a lembranza e moitas arrobas de esperanza. ¡Que boa falla lles fan!
Mato, Xesús
Mato, Xesús


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania