Opinión en Galicia

Buscador


autor opinión

Editorial

Ver todos los editoriales »

Archivo

Portugalizarse

miércoles, 24 de mayo de 2017
Parece que Portugal está de noraboa en moitos ámbitos que quizais desembocaron na ledicia colectiva pola vitoria en Eurovisión de Salvador Sobral coa canción “Amar pelos dois”. Trunfou a sinxeleza fronte a exuberancias absurdas, a humildade fronte a soberbia e sobre todo a orixinalidade tecida no propio idioma fronte aos coqueteos absurdos co inglés.

Portugal gañou sinxelamente e sen ruído. Salvador Sobral chegou cun ar poético, exhalando fado e saudades que conquistaron o corazón europeo co sabido resultado.

Este non é o único trunfo polo que hai que felicitar aos irmáns portugueses: tamén están a ver como o seu pobo se recupera social e economicamente poñéndolle freo á austeridade. Esta recuperación tradúcese en leis inclusivas como a aprobación de unión de parellas do mesmo sexo, a redución da xornada laboral do funcionariado, a supresión do ensino concertado, o freo de desafiuzamentos ou a creación dun imposto para as vivendas de luxo.

A querenza por un país que amo non me impide ver erros ou incertidumes alimentados en boa parte pola desconfianza exterior. A pesares disto, teño envexa dun executivo de consenso en sintonía cun pobo ao que pertence, serve e respecta. Un pobo que o elixiu para curarlle unhas feridas que van camiño de cicatrizar.

Cando isto é recoñecido por medios de distintas tendencias (incluíndo as contrarias...) algo de verdade haberá...

Como dixo Siniestro Total: menos mal que nos queda Portugal!
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania