Educar para consumir

A educación dunha persoa abarca moitos campos, entre eles educar para consumir.

Cando hai escasez de recursos, faise obrigatoria; pero cando gozamos dunha economía que nos permite ”certos luxos”, resulta máis difícil.

Todos dicimos que estamos en crise.
Todos dicimos que hai moito paro.
Todos coincidimos en dicir que a vida está moi cara.

Hai queixas para dar e para tomar.
Pero –paradoxas da vida- cada día gastamos máis.
Cada día gastamos máis porque consumimos máis:
-Vivimos en casas máis confortables.
-Viaxamos en mellores coches.
-Vestimos mellor.
-Comemos mellor, ou eso pensamos.
Etc, etc

Todas estas melloras dinnos que temos mellor calidade de vida.
Eso é moi bo sinal.
Pero:
¿SERÁ BO SINAL CELEBRAR OS CUMPREANOS DA INFANCIA EN LUGARES PÚBLICOS CON CANTOS MÁIS CONVIDADOS MELLOR?
-Convídanse os amigos.
-Convídanse os compañeiros.
-Convídanse os veciños.
-Convídanse os coñecidos.
-Convídanse algúns parentes.

Eso si: moitas veces exclúense os avós e otros membros achegados da familia.
-E ata poden convidarse descoñecidos con tal que leven o correspondente regalo.

Todo esto ten un coste económico que hai que pagar e despois corresponder coas persoas que nos acompañaron para acompañalas no seu día.

O coste económico soluciónase traballando un pouco máis; é dicir, sumando horas extras á xornada de cada día ou privándose de algo aínda que sexa máis fundamental.

Se os que pagan, o consideran oportuno: ¡Alá eles!

Tampouco importa se a criatura se comporta como lle corresponde á súa idade ou non: o importante é a festa:
¡Presumir!
¿Fanfarronear..?
¡Como o fan todos..!
¡Nós non imos ser menos!

Ben… agora pregúntome eu:
¿Cómo estamos educando a nosa descendencia á hora de consumir?
¿Vai ter máis e mellores amigos o día de mañá?
¿Cantas desas persoas van conserva-la amistade ó longo da vida?
¿Pensará a criatura que a súa familia é multimillonaria?
¿Vai poder manter ese nivel de vida por moito tempo?

Por outra banda:
Celebrar aniversarios é preceptivo; porque se pasa ben, porque se fai festa, porque é moi divertido, porque o fan todos…
Pero:
¿Qué pasou coas festa onomásticas nas que celebrábamos o día do santo ou santa para imita-las súas virtudes?
¿A VIDA DE PERSOAS EXEMPLARES XA DEIXOU DE SER EXEMPLAR?
¿Xa non hai que practica-las virtudes?

¿CALES SON OS MODELOS QUE LLES PRESENTAMOS Á INFANCIA DESTES TEMPOS?
¿O materialismo e o consumismo?
¿O MATERIALISMO E O CONSUMISMO SON O MÁIS IMPORTANTE NESTA VIDA?
……..
Andando o tempo; cando a vida lles presente a cara dura:
¿Cómo enfocarán os problemas?
¿Estarán ó seu carón todos os amiguetes dos cumpres?
¿Cómo se sentirán se a economía se resinte?
¿Frustraranse?
Algo vai pasar.
……….
¿Non nos estaremos pasando?
Moito me temo que teñamos que revalorizar a humildade e a sencillez.
“HUMILDADE E SENCILLEZ”
Este será o título do seguinte artigo.
Dous valores algo descoidados pola sociedade actual.
¿Non lle parece?
Moitas grazas.