Opinión en Galicia

Buscador


autor opinión

Editorial

Ver todos los editoriales »

Archivo

Oración por Mª Elena Mourenza

jueves, 26 de enero de 2017
Señor: Hoxe xuntámonos aquí amigos de Elena e de José, para decirlle adeus ao corpo de Elena, para acompañar a José e ás súas fillas, e para darche grazas, señor, por Elena e polas xentes que son coma ela.

Falo, señor, no nome dos amigos… sabendo que Elena e José entendían e entenden a amizade no sentido máis amplo. E o que é amigo, é irmán, é da casa, é da familia, ten as portas abertas, e abertos están sempre os seus corazóns para recibilo e atendelo.

Algúns de nós coñecimos a Elena e a José por ser amigos dos amigos… e convertíronse en amigos. E coñecímolos porque atendían a eses amigos no sentido máis amplo e completo… porque, como dixo o teu fillo, “tiven fame e déstedesme de comer; tiven frío, e vestístedesme; tiven soedade e acompañástedesme”… E por iso Señor, estamos convencidos, de que Elena e José –Elena xa está contigo- forman parte deses aos que lles dixeches:
Vide, benditos do meu pai”. Por iso tiñas présa por levarte a Elena… Por iso Elena soubo levar con enteireza, valentía e forza incribles a proba desta cruel enfermidade, que nin nos últimos momentos conseguíu doblegala, e da que consolaba aos seus con esa forza interior que só teñen os nosos santos de cada día.

Por iso, Señor, valoramos moi especialmente a santidade de cada día dunha persoa forte, entregada aos demais, familiar, vital, alegre, devota da humanidade, que sabe transmitir aos que a rodea a alegría de vivir, a confianza na familia, a fe no presente e no futuro.

Gracias, Señor, por Elena, e por todas as Elenas do mundo que fan posible seguir adiante e superar todas as dificultades. Gracias por Elena –públicamente- no nome de todos os que chas están dando coa súa oración.

Gracias no nome de todos os que recibiron de Elena pan e auga, compañía e agarimo, abrigo e comprensión. Gracias, Señor, porque Elena tiña moito para dar e deuno todo para poder estar contigo, como dixo Machado, “lixeira de equipaxe” terrenal, pero cun inmenso fardelo de boas obras, e coa alma chea de paz. Gracias, Señor, por Elena, que xa descansa en ti.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania