Opinión en Galicia

Buscador


autor opinión

Editorial

Ver todos los editoriales »

Archivo

Que todo sexa polo consumismo

lunes, 12 de diciembre de 2016
Que bonitas din as cidades cos iluminados, cos luminosos do Nadal! Ata as vilas que teñen luminosos están bonitas! Ata semella que nelas tamén hai ambiente natalicio! Hai ambiente de Nadal en todos os lugares que hai marabillosos e fermosos e bonitos e refulxentes e radiantes e escintilantes iluminados. Ambiente de Nadal no mes de novembro! Aí é nada! Porque, señores lectores, en algúns lugares xa nese mes se acendeu ese ambiente coa cor do ceo ou do centeo ou do fento ou do paporroibo ou do granito ou da lareira ou da herba seca ou da palla mollada.

Millóns de bombillas alumeándolle a millóns de parroquiáns durante ben máis de 30 noites. E outros cantos millóns de parroquians se luz nas súas casas. Veña, por favor, nin tanto nin tan pouco. Non chegaría con iniciar a fermosura noitébrega das rúas a partir de, por exemplo, o día 15. E que a cousa vai ir máis alá dos Reis. Case dous meses de gasto superfluo porque si, porque entendo que ós comercios lles interesará, pero non sei como lles sentará ós petos dos cidadáns de a pé. A esta marcha, en cinco anos, vexo empalmar ó Nadal coas Novenas á Virxe dos Milagres, que rematan o 8 de setembro. Que bonitas están as rúas! Si, pero... canto gasto! Que todo sexa polo consumismo. Despois cada quen que faga chispa nun ollo.
Rivas Delgado, Antonio
Rivas Delgado, Antonio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania