O vindeiro sábado 12 de Novembro ás 6 da tarde na igrexa dos Vilares, Guitiriz, realizarase a pre estrea do documentario ENTRAR AOS VILARES, dirixido por Cibrán Tenreiro coa colaboración de Toni González e Xacobe González. O documentario forma parte do proxecto multidiscipminar Os Vilares, lareira de soños, iniciado por Pastora Veres na parroquia do poeta Diaz Castro. Un libro da propia Pas Veres, o documentario de Cibrán Tenreiro e outras accións relacionadas coa.posta en valor do rural na Terra Chá, son parte deste proxecto.
O documentario, de 55' de duración relata a realidade da parroquia guitiricense desde a perspectiva de tres mozos da primeira xeneración non nacida na aldea que se adentran nun lugar dezcoñecido que van descubrindo da man dos propios veciños. Refrexions dos nativos e dos visitantes sen un guión pre establecido nin voz de narración, conforman unha obra de autor entre a tradición e o experimental, tanto nos contidos como nos plantexamentos técnicos.