Festa da cidadanía

Na radio do coche, escoito a voz de Orozco que me fala… a min e a tódolos habitantes da capital: “Lucenses: Quero celebrar con vosoutros eses anos que levamos traballando xuntos”… E invítame á Festa da Cidadanía, que vai celebrar con Blanco e Touriño.

A min repatéanme os anuncios dos concellos nos que aparece a foto e o nome do Alcalde, de paso que desexan un bo ano, magníficas festas, ou se congratulan do ascenso do equipo local, porque é mesturar a institución coa persoa.

Neste caso, o anuncio tampouco me gustou, pola mezcla desafortunada entre a persoa e o cargo.

Un Alcalde, cando accede á Alcaldía, segue a ser militante dun partido, pero accede a un status diferente, máis elevado, e prima o cargo de Alcalde sobre o de militante. E hai que ter cuidado co uso que se fai da súa imaxe, porque a imaxe pertence ó cargo, e o cargo á cidade.

Co uso da voz de Orozco, pode parecer que a invitación á Festa da Cidadanía a fai o Alcalde -que é así- e non o militante socialista. E a festa parece ser que é con motivo da presentación da candidatura do Psoe lucense ás próximas eleccións. ¡Mal feito!