En Vigo, ¡todos a unha!

Hoxe vemos Vigo coa maior admiración. Porque foron capaces de poñerse todos de acordo, políticos e non políticos, do que queren para a súa cidade.

Queren o AVE entre Vigo e Ourense, e para que non haxa dúbidas, e malia un áspero debate propio de calquera pleno municipal, puxéronse de acordo PP, PSOE, BNG e PG, para que o Goberno se pronuncie e garanta que Vigo vai contar co AVE.

E cos políticos, os empresarios. A confederación de Empresarios de Pontevedra, o Club Financiero e as catro Cámaras de Comercio da provincia: Vigo, Pontevedra, Arousa e Tui.

Noraboa, Vigo, porque así se fai unha cidade; así se constrúe o futuro, poñéndose todos de acordo nas cousas importantes, pasando por encima de bandeirías ou trifulcas domésticas.

Moito nos queda que aprender ós galegos sobre como pedir, esixir e obter cousas. Neste caso, en Vigo está o exemplo.