A Xunta aprende dos que saben

De repente, o goberno de Galicia ten unha idea brillante, e non podemos ocultar o noso asombro polo acerto.

Moitas veces os políticos pechan os ollos á realidade exterior e empéñanse na defensa das súas ideas malia quen pese.

Neste caso, o goberno da Xunta mira ó arredor, ve o que ocorre, e invita ós máximos protagonistas da actualidade económica a participar na promoción económica de Galicia.

Vaise crear unha sociedade de investimento para respaldar iniciativas de interese para a Comunidade. Vai ser coordinador desta iniciativa Manuel Jove, artífice de Fadesa.

Vicepresidente da Fundación que creará esta sociedade será Javier Riera, que ven de cesar como Director de Citroen en Vigo despois dun brillante labor de anos. E a area de investigación estará dirixida por Honorato López Isla, Conselleiro Delegado de Fenosa.

Colaborarán Citroen, Inditex, Fenosa, Coren, Pescanova, Finsa, Fadesa e as tres universidades. E contará co respaldo financieiro de Banco Pastor, Caixa Galicia e Caixa Nova.

Parabéns merece a iniciativa. E quede constancia do noso desexo de éxito a unha iniciativa novedosa, que se apoia nos que saben para potenciar de xeito serio o tecido empresarial de Galicia.