Pobre felicitación do Concello de Catoira

Nun xornal (30-12-06), leo a felicitación de Nadal do Concello de Catoira, que non ten o máis mínimo xeito.
Inclúese a foto (supoño) do Alcalde, sinalando que “O Alcalde e a Corporación envianlle os nosos conveciños”. Nin “envíanlle” nin “os” están acentuados, polo que pode significar que é ós veciños ós que mandan a algún lado, e non que sexan os destinatarios de algún saúdo. En concreto, dun “agarimoso saudo”, tamén sen acentuar “saúdo”. O de “envianlle”, ademáis non encaixa con “os nosos”. Para rematar cunhas “Felices Festas e Ani Novo”, así separado.
En fin, que están ben as felicitacións de Nadal, aínda que me parece que a foto do Alcalde sobra nelas.
E polo que se refire a esta de Catoira, poderían mercar medio quilo de acentos, comas e puntos, e con eles facer algo case xeitoso.