E agora, as eurocidades

Sabemos cales son as grandes cidades galegas: As catro capitais de provincias, máis Vigo, Santiago e Ferrol.

E coidabamos que, ó estar plenamente integrados en Europa, estas cidades xa de por sí eran “eurocidades”, pero agora enterámonos que esta denominación corresponde a outro tipo de poboacións.

Hai tratos para que a primeira eurocidade de Galicia naza no sur, da conxunción de Chaves (Portugal) e Verín (Ourense-Galicia-España).

Requisito previo é a autoestrada en construcción entre Verín e Feces, na fronteira con Portugal, que vai enlazar coa A-24 de Chaves a Vila Real. Así, as dúas localidades (Chaves, con 30.000 habitantes e Verín con 14.000) formarán unha soa, separadas unicamente por 23 km de vía de alta velocidade.

A relación entre as dúas vilas existíu sempre, antes con fronteira e agora sen ela, pero moitas máis barreiras caeron que a mesma fronteira, e máis caeran cando se dispoña de dúas grandes superficies industriais, a de Portugal xa construída, a galega a punto de contar cun millón de metros cadrados para a instalación de empresas.

Visto desde Europa, Galicia e o norte de Portugal forman unha mesma rexión, e o Alto Támega engloba unha ampla zona na que Chaves e Verín van ter personalidade propia.

Cousas veremos neste mundo cambiante, no que cada vez máis é imposible estar sólos, e no que as repercusións van ser importantísimas na comarca, na provincia, na comunidade autónoma e no estado ó que as cidades pertencen.

A unidade vital do futuro non será un pobo, a cidade, a provincia, a comunidade… A unión imponse, e as alianzas transfronteirizas son algo que soa moi novo, pero ó que deberemos acostumbrarnos no camiño do progreso, con figuras ou formas que hoxe nin podemos imaxinar. ¡Que sexa para ben!.