Á Beira do Camiño: ¡Feliz Noiteboa!

¡Ditoso sexa, amigo/a, nesta “boa noite” e en todas as noites e días de todos os anos! A noite boa será boa noite si o é para todas as persoas. Si é boa para aos nenos, xoves e vellos. Para aos enfermos e sans, ricos e pobres, negros e brancos, nativos e inmigrantes. Para crentes e non crentes. Para os que vimos do mesmo tronco e cremos no mesmo Deus (xudeus, cristiáns e musulmáns) e para os das outras relixións orientais e tribos africanas e americanas. Deus veu ao mundo para salvarnos a todos. Sen exclusións. Todos somos fillos do mesmo Deus. Do Deus que veu compartir vida na sinxeleza e debilidade dun Neno. Dun Neno Deus, Pai/Nai que se fai un de nós e inicia o camiño da felicidade a base do amor sen distincións de persoas, razas, pobos e crenzas. Dun Deus que se fixo home (“humano”) para que nós nos fixeramos irmáns (máis humanos) uns dos outros. Aquí radica o principio da felicidade á que todos estamos chamados. E comeza xa se nos queremos, axudamos e construímos fraternidade. Esa é a nosa tarefa e compromiso. Se imos nesta dirección... ¡Vai ser feliz a Noiteboa do 2006!