Opinión en Galicia

Buscador


autor opinión

Editorial

Ver todos los editoriales »

Archivo

Xirando 180 graos

martes, 26 de diciembre de 2006
Levamos suspirando polo Ave desde hai tempo, a pesar de que os temas do ferrocarril témolos botado ás costas desde que a Renfe botou ás costas os temas relativos a Galicia.

Aínda así, comprendemos que o tren ten que ser importante factor de desenvolvemento, o medio máis asequible para transporte de viaxeiros e mercadorías entre as nosas cidades, vertebrando unha Galicia de progreso con dúas grandes ramas que levan a Coruña-Ferrol-Santiago e Vigo.

Pero o tren que temos é pesado e lento, pouco acorde cos tempos e as necesidades. E anceiamos o Ave, e desexamos o tren Vigo-Porto, para entroncar co entramado ferroviario do veciño Portugal.

Pensabamos ir na boa dirección, e que as autoridades traballaban na tarefa con xeitosa planificación e con perspectivas de éxito. Pois non. Gracias a Touriño enterámonos de que todo ia por mal camiño, en mala dirección. Pero despois dunha xuntanza en Badajoz, todo quedou arreglado.

Di Touriño que o cumio de Badajoz supuxo un xiro de 180 graos. Polo tanto camiñabamos nunha dirección, e agora imos na dirección oposta.

Oporto-Vigo vai ter a mesma prioridade que o tramo Lisboa-Madrid, o cal é lóxico porque Galicia está ben máis cerca de Portugal ca de Madrid. Haberá que volcarse para que estes vencellos se equilibren e non nos pechemos ó que a historia, a paisaxe e a lingua evidencian.

Xa non hai fronteiras políticas, pero aínda quedan as físicas das que a distancia e a máis difícil de superar.

Queremos crer que imos ven. E a fe, xa se sabe, move montañas. Entre as súas obras e a nosa fe, seguro que o imos conseguir. Galicia conectada a Portugal aínda pode aspirar a unha hora diferente cando os vencellos aló do Miño xustifiquen o cambio.

Sobre o do Ave, xa veremos. Orozco prometeulle ós membros do Rotary Club de Lugo apremiar ó Ministerio de Fomento inmediatamente despois das próximas eleccións municipais. ¿Son outros 180 graos na súa traxectoria?.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania