Évos Noite de Nadal
García Cendán, Bernardo - martes, 26 de diciembre de 2006
Évos Noite de Nadal.
Xunto ao Miño penso en vós.
Baixo da miña ventá
escoito quebrada voz:
tres borrachos xuntos van,
entre se caen ou se non,
panxoliñas a cantar.
Beberon algo de máis,
pero sen mala intención:
Foi na barra daquel bar
onde un azar axuntou
tres soidades iguais
con cadansúa canción.
Tres solitarios nun bar
e un desafinado son:
Non teñen con quen estar
e saíron polas rúas
berrando Noite de Paz.
Eu penso neles, e vós?
García Cendán, Bernardo
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
