Opinión en Galicia

Buscador


autor opinión

Editorial

Ver todos los editoriales »

Archivo

Venda de propiedades da Igrexa

martes, 21 de noviembre de 2006
As propiedades da Igrexa resultan, moitas veces conflictivas. Ben sexa pola súa utilización, ben pola súa pignoración. Remóvense moi vellos sentimentos, que afloran á máis mínima oportunidade.

¿Qué como adquiriu a Igrexa as súas propiedades?. Certamente non hai a máis mínima posibilidade de discutir ese dominio, porque ven ser producto de doazóns voluntarias, fervorosas, conscientes e interesadas. Quen doaba unha propiedade, un ben, á Igrexa facíao pensando na brevidade da vida terrea, na perennidade da vida eterna, na posibilidade de mellorar de situación no futuro cando non de mercar unha pasaxe a un mundo mellor pola cesión dunha propiedade temporal.

Así a Igrexa foi, e quizais aínda é, o máximo propietario deste país, a pesar de desamortizacións, revolucións ou reaccións, que de todo houbo ó longo dos séculos.

Postos nos tempos de hoxe, resulta que os bens da Igrexa rural están tan infrautilizados como calquera outros particulares, as rectorais quedan baleiras, os igrexarios abandoados… E ás veces véndense estes bens para aplicar o importe obtido con fins sen dúbida honorables e xustos.

Pero entón o sentimento histórico dos nosos paisanos desperta, e lembran pasadas situacións de ignorancia inxusta, e asumen que estes bens son deles porque eles son Igrexa, e porque a Igrexa ten que ser de todos.

Difícil situación a da Igrexa nunha transición máis dura que a do País á democracia. Difícil solución para uns bens que resultarán conflictivos para os que compran e para os que venden. Difícil situación para unha Igrexa que busca situarse nunha sociedade á que non entende e na que non é comprendida.

Vender propiedades da Igrexa é un risco importante. Polos problemas que comporta, seguro. Pero, especialmente, porque os bens da Igrexa non son deste mundo, e a Igrexa corre perigo de salirse del.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania