Opinión en Galicia

Buscador


autor opinión

Editorial

Ver todos los editoriales »

Archivo

Ou é que lles faltan as habilidades...

martes, 12 de abril de 2016
Van case catro meses das eleccións xerais sen que os 350 deputados se poñan de acordo nun goberno que leve adiante os proxectos que o país necesita.

O problema radica en que no Congreso están por horas, sen asumir globalmente o seu papel, que noutras institucións a estas alturas estaría solucionado.

Fronte ás catro décadas escasas da nosa democracia, a Igrexa Católica ten vinte séculos de experiencia. E cando morre un papa, reúnese o cónclave, pechado como proclama o seu nome, e os concentrados non sairán do seu encerro ata que cheguen a un nome de consenso, fagan falla as votación que se precisen.

Neste tempo de enfrontamentos, de palabras baleiras, de agresións verbais, de que ninguén pareza estar disposto a falar –xa non digamos pactar- con ninguén, e que o caos só pode traguer consigo unhas novas eleccións xerais que serían desastrosas polo desánimo dos votantes, faría falla unha compulsión que obrigara aos políticos a deixar de pensar en si mesmos e pensaran nalgún momento no ben común e nos intereses do país. Non hai ninguna Lei que permita nin poder que consiga que os políticos hispanos recuperen a razón, que os partidos políticos poñan por diante dos seus intereses os intereses xerais, e teñamos por unha vez a festa en paz.

Lonxe na historia temos aquel feito en Esparta no que as mulleres, encabezadas por Lisístrata, cansas da guerra que agobiaba á súa cidade, negaron sexo aos seus esposos ata que depuxeran as armas. Unha medida así, na que habería que contar coas consortes, é imposible de adoptar hogano xa que agora hai tantas deputadas como deputados.

O que está claro é que non se pode deixar sós a estes nosos políticos en tan difícil trance, porque ou non saben que facer, non poden facelo, ou é que –como di a vella cántiga popular- lles faltan as habilitades. E así non hai nada que facer.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania